「2025 Kids' Choice Awards」完整提名名單出爐！
今年代表K-Pop入圍嘅有Stray Kids、TWICE、Rosé、Lisa同Jennie，其中Stray Kids同Rosé更各自獲得兩項提名。
首先，Stray Kids同TWICE一齊入圍「Favorite Music Group」，同場競爭嘅仲有blink-182、Coldplay、Imagine Dragons、Jonas Brothers同Linkin Park。而Stray Kids同時入圍「Favorite Global Music Star」，代表亞洲同Tyla、The Kid LAROI、David Guetta、Shakira、Bruno Mars同Ed Sheeran等國際巨星角逐獎項。
ADVERTISMENT
另一方面，BLACKPINK成員Rosé、Lisa同Jennie就以個人身份一齊入圍「Favorite Female Breakout Artist」。Rosé另一項提名係憑同Bruno Mars合作嘅熱門單曲「APT.」角逐「Favorite Music Collaboration」。
大家可以上KidsChoiceAwards.com為心水偶像投票！
頒獎典禮將由Tyla主持，於6月21日美國東岸時間晚上8點透過Nickelodeon、TeenNick、MTV2等頻道直播。
