母胎美女才是王道 允兒、Krystal、韓佳人、金泰希、宋慧喬成長日記


「母胎美女」,主要係指既天然又索嘅美女。呢個四字詞o依家係韓國好流行o架!雖然韓國嘅整容風氣好盛行,唔少人認為韓國靚女藝人嘅美貌都有整過。但其實韓星中,都有唔少「母胎美女」o架!唔信?將佢哋嘅童年照同近照對比吓,就唔到你唔信喇!


(1)少女時代─允兒
出道至今都係最受歡迎一個,原因好簡單,因為夠靚囉,加上佢笑容甜美,所以被封為「少女時代的心」,允兒多年都保持清純形象,亦都冇人懷疑過佢有加工,因為只要見到佢讀書時期嘅畢業照,同o依家完全冇分別,一樣都係美人胚子。


(2)f(x)成員Krystal 
Krystal同家姐少女時代嘅Jessica被封為韓國最美姊妹花,佢哋兩姊妹天生麗質,特別係Krystal,樣子比起家姐更標緻,同允兒仲好鬼似樣,連靚樣都同允兒一樣,完全零添加,近日網上流傳多張Krystal小時候嘅照片,五官同o依家完全一模一樣,「母胎美女」嘅絕佳人版。


(3)韓佳人
啱啱宣佈咗懷孕嘅韓佳人,相信會係最美嘅媽媽,佢靚得嚟真係好自然,即使睇返以前嘅照片,只會覺得佢打扮上有點土氣,但完全唔覺佢有係臉上動刀嘅痕跡,而佢整張臉最令人留下深刻印象就係佢鼻樑上嘅一粒廛。


(4)金泰希
出道至今被公認係美女,唔係美女排行榜佢都必定榜上有名,仲係名列三甲位置,足見佢嘅美貌係不容置疑,就連怕學生護照相,任你幾close up,佢都依然索爆,所以Rain真係幾識揀,搵咗金泰希做女友。


(5)宋慧喬
宋慧喬BB時期嘅樣生到有啲似混血兒,到佢越嚟越大,個樣真係越來越正,圓圓嘅眼睛配上長長嘅頭髮,從小到大都係美女一名,仲有傳聞話佢係「江南五大美女之一」㖭,可想以知佢嘅美貌有幾咁犀利。