BIGBANG的20年音樂歷史，遇上「BIGBANG宇宙學」。
由YG娛樂策劃，與科學YouTube頻道「不現實科學」合作推出三集特別企劃，透過宇宙誕生與膨脹的科學概念，重新梳理BIGBANG改變K-pop潮流嘅軌跡，並以嶄新角度拆解佢哋20週年世界巡演「BIGBANG 2026-2027 WORLD TOUR XX : COSMOS」嘅世界觀，增添觀賞樂趣。
第一集已於5日公開，由宇宙嘅定義講到早期急速膨脹及宇宙微波背景輻射，以輕鬆易明嘅方式揭開企劃序幕。節目以人人都聽得明嘅語言傳遞大量科學知識，自然帶出企劃嘅核心關鍵詞「BIGBANG」同「COSMOS」。
12日公開嘅第二集，就邀請咗科學傳播者Gwe-do及創作人Mimimi Nu，深入探討宇宙大爆炸與BIGBANG嘅平行理論。由分析世界巡演海報中隱藏嘅彩蛋開始，將大爆炸後急速膨脹嘅宇宙時空，與BIGBANG出道以來改變K-pop典範嘅20年歷史交錯對照。
BIGBANG歷年來推出無數首 mega-hits，包括《Lies》、《Last Farewell》、《Haru Haru》、《FANTASTIC BABY》、《LOSER》、《BANG BANG BANG》及《BAE BAE》，寫下流行音樂史上無可比擬嘅里程碑。今集將BIGBANG喺音樂市場上嘅深遠影響力，比喻為「宇宙微波背景輻射」，引起關注。正如大爆炸嘅餘暉同殘留熱能至今仍喺宇宙各處被觀測到，BIGBANG所建立嘅音樂遺產與存在感，亦持續影響後輩藝人及整個K-pop產業。
節目亦指出，BIGBANG嘅影響力並非一次性爆炸，而係以「現在進行式」持續延伸。團體與個人作品同樣創下無可匹敵嘅成就，證明品牌嘅恆久性，而V.I.P（粉絲名稱）就被點名係呢股不斷膨脹力量嘅核心推動力。藝人與粉絲之間跨越時空嘅深厚羈絆，亦以太空科學概念作比喻拆解，增添深刻共鳴。
今次合作將BIGBANG過去20年比喻為宇宙嘅宏大敍事，成為一個嶄新嘅連結點，讓粉絲以更有趣嘅方式欣賞世界巡演「BIGBANG 2026-2027 WORLD TOUR XX : COSMOS」。作為三部曲壓軸嘅最後一集，將於19日（星期三）晚上8時公開，當日正正係BIGBANG出道20週年紀念日。
常見問題：
問：Bigbang是一支韓國男子音樂團隊嗎？ 答：是的，Bigbang是一支由YG娛樂公司於2006年推出的韓國男子音樂團隊。
問：Bigbang的粉絲被稱為什麼？ 答：Bigbang的粉絲被稱為“VIP”，意為“Very Important Person”。
問：Q6: Haru有沒有什麼著名的人物或者角色？ 答：A6: 有一些韓國藝人或者角色的名字叫做Haru，比如說韓國女子團體MAMAMOO的成員安惠善。